ЫВЛАЫН ТУЛЫС ДУРӦ

Ывлаын тулыс сэтшӧма дурӧ:
Водзджык лун дас витӧн шондӧдіс бура,
Лым сыліс дзикӧдз, и воссисны юяс,
Майӧдз на веж корйӧн ловзисны пуяс...

Сэсся и Вой Тӧлыс бӧр пондіс дорны! — 
Йизьымӧн чишкавны вӧрзьыштӧм корсӧ...
Лӧньыштӧм вӧр-ваыс бӧр быттьӧ эндіс,
Дзоньнасӧн, вемӧдзыс, доймис и сьӧмдіс...

Пашкыртчӧм морӧса сырчик мем видчӧ:
Вои да, ӧні пӧ воштыся кытчӧ?
Тіянсянь, йӧзсянь, пӧ став тайӧ пежыс!
Лёк нога олӧмнад Ывласӧ вежад!