ЛЭПТІС МЕНӦ НИГА БОРД...

Чужи-быдми Сыктыв йылын:
Гӧгӧр — помтӧм вӧрлӧн гаж,
Ю дор кыпыд мылькъяс вылӧ
Сиктӧй пуксьӧма зэв важ.

Мича ай-мам менӧ быдтіс — 
Мелі, вына, ӧддьӧн том;
Но тай Война чорыд кыптіс,
Вайис кыкнанныслы пом.

Сэсся-й сьӧкыд олӧм пиас
Водзӧ берті быдся удж — 
Быдтор ковмис вӧчны киӧн,
Кӧть и лючки он на куж.

Гашкӧ-й, эськӧ чегси водзӧн,
Ӧдйӧ кусіс менам гор,
Эз кӧ эськӧ менӧ ӧддзӧд
Му выв дивӧ — нига борд:

Лэптіс менӧ усянінысь,
Восьтіс олӧм пом ни дор...
Ӧнӧдз кутӧ чинысь вынӧс
Нига борд, кык вына Борд!