* * *

Чужигӧн ми немтор огӧ вайӧ Мирас...
Кувсигӧн тэ он жӧ немтор сьӧрсьыд босьт.
Сідзкӧ, мыйла ӧта-мӧднымӧс тан йирам?
Озырмӧдчӧм могысь нуӧдам век кось?

Гашкӧ, этшаджыкӧн бурмӧдчыны колӧ — 
Кутыштавны ассьыд некор пӧттӧм чуль?
Бурджык, ӧтарӧ век кыпӧдчыны лолӧн,
Ӧд тэ морт, а абу кутшӧмкӧ Вакуль...

Сытӧг мортлӧн горшлун пазӧдас став Олӧм!
Мича-гажа Муысь кольӧ пӧим-шом,
Некор сывтӧм йи да кӧдзыд лымъя тола...
Збыльысь воӧ коркӧ шулӧм Олӧм Пом!