СЬӦКЫД ОЛӦМ ПИАС ВИЙСИ-ТІЛЬСИ

Меным, матӧ воӧмалы, чайтсьӧ — 
Меысь бокті муніс олӧм шуд:
Меным вылӧ сетӧм югыд пайсӧ
Лючки босьтны сідзи и эг куж.

Сьӧкыд олӧм пиас вийси-тільси,
Зіли вӧчны мыйта вынӧй эм,
Медым Олӧм петіс дзескыд тільсьыс...
Видзӧда да, помасьӧ нин нэм.

А Олӧм важсяыс на ёна висьлӧс,
И немтор аслам челядьлы эг чӧж,
Шудыс, код вӧсна ме нэм чӧж вийси,
Том дырйи моз мыччӧ сӧмын бӧж.