НИМКОДЬ ТЭНЫД, МЫЙ ТЭ ЛОВЪЯ

Овлӧ здук, кор сьӧкыд олӧм пиас
Лӧньлӧ-ясыдмывлӧ тэнад мудзӧм лов,
И сэки вежӧр ыпнитлӧ сӧдз биӧн — 
Кыдз быттьӧ он нин сы дыра тэ ов;

И нимкодь тэныд, мый тэ век на ловъя,
Мый олігчӧжыд эн вӧч ыджыд мыж,
И быдтін челядь аслад мелі позйын,
И некод эз ло олӧм шӧрас ныж;

Мый тэ вермин кольысь сьӧкыд нэмас
Асьтӧ лэдзтӧг вуджны уна курыд шог,
Мый тэ эн ов кыдзи кывтӧм пемӧс — 
Зілин-вӧчин водзад пуктӧм уна мог;

И коліс эськӧ асьтӧ водзӧ видзны — 
Ӧграліс на ярджыка мед ӧзтӧм шом,
И медым эськӧ Енмыс тэныд сидзтіс
Мортлы лӧсялана югыд, «кокни» Пом.