ДЗОРИДЗАЛӦ ЛЬӦМ

Ӧшинь улын, быттьӧ мойдын,
Пузис еджыд рӧм,
Сӧстӧм быгйӧн быттьӧ ойдӧм,
Дзоридзалӧ льӧм!
Дзоридзалӧ, дзоридзалӧ льӧм!

Лыдтӧм розсянь ёся ӧвтӧ
Коддзӧдана кӧр,
Морӧс тырӧн сійӧс кӧвта — 
Томмыла ме бӧр!

Коркӧ важӧн сиктса гортын
Вӧлі льӧм пу йӧр,
Сэні вынсьӧді ме бордъяс
Корсьны Олӧм Шӧр.

Льӧм пу кӧрыс меным йиджис
Помӧдз овны нэм,
Гашкӧ-й, ӧнӧдз сійӧ видзис
Медся бурсӧ мем.

Ӧшинь улын, быттьӧ мойдын,
Югзьӧ еджыд сьӧм,
Ловзьӧдана кӧрӧн ойдӧм,
Дзоридзалӧ льӧм!
Дзоридзалӧ, дзоридзалӧ, дзоридзалӧ льӧм!