ГОЖӦМ КОЛИС СЬӦКЫД УДЖЫНБара гожӧм колис сьӧкыд уджын — Киысь эг и лэдзлы чер да зыр, — Медым кӧдзыд тӧвсӧ кыдзкӧ вуджны, Градвыв сёян тільсим-дасьтім тыр. Вӧрын таво немся эг и вотчӧй — Вӧрыс вӧлі тыртӧм и зэв кос, Сыысь уналаті ёна сотчис, Этша пӧтка вӧчис аслыс поз. Ӧні колӧ кыдзкӧ бертны этшӧс — Сетны юрлы-ловлы унджык удж: Гашкӧ ӧд, и кадыс зэв нин этша, Гашкӧ, кодкӧ регыд сэсся пешас — Мӧдар югыдас нин, зонмӧ, вудж! Сылань жӧ тай гудыр олӧм личкӧ, Ниртчӧ, бонзьӧ олӧмлӧн шӧр вуж, Он тӧд, мыйджык колӧ керны лючки, Сынны кодарӧ, он куж.
