ВИДЗА ОЛАН, МЕДВОДЗ ГЫМ!

Апрель шӧрса пемыд войӧ,
Кодыр сы мында на лым,
Лунладорсянь шоныд воис,
Сэсся-й чорыда зэв кучкис Гым.

Садьми ме и ёна повзи — 
Чардби нялкйӧдлӧм оз быр!
Татшӧм водзсӧ ӧмӧй позьӧ?
Эз-ӧ во Му вежандыр?

Асывсяньыс сэсся зэрмис — 
Личкис лымлысь еджыд сорс;
Ми жӧ лунтыр, мыйта вермим,
Лымйӧд писькӧдалім шор,

Сэк жӧ кыским морӧс тырӧн
Зэрӧн ульдӧм лымлысь кӧр,
Кодлы чӧскыдсӧ тшӧтш пыртӧ
Небзьӧм лыска вежмӧм вӧр.

Видза олан, Гажа тулыс!
Видза олан, медводз Гым!
Кузь тӧв ӧні вӧлись куліс!
Помӧдз исковтас и лым!