КОЛӦ ЖӦ МЫЙКӦ И КОЛЬНЫ АС БӦРСЬЫД

Олӧм кор ёна нин личкыны пондас,
Быд ногыс ачымӧс лӧньӧда ме:
Мися, тэ вына на, кӧть нин и конда — 
Пыдіас вужйыдлӧн зумыд на вез.

Сэсся ӧд, мися, тэ сы дыра олан,
Быд ногыс чӧжин и мывкыд, и сям,
Му пасьта быдлаӧ, быд ногыс волін,
Вежӧрсьыд немтор на ёна эз ям;

Колӧ жӧ мыйкӧ и кольны ас бӧрсьыд,
Дзикӧдз не разавны, быттьӧкӧ тшын.
Вай жӧ на, зонманӧй, лов бордтӧ вӧрзьӧд,
Вай жӧ на бур ногӧн зэлӧдлы Вын.