* * *

Ме войнас садьма, сэсся и оз узьсьы,
Век олӧм йылысь мӧвпыс вӧтлӧ ун,
И пемыдас ме лолӧн песся мудзтӧдз,
И некыдз на оз во выль югыд лун.

И сэки Библия ме выльысь восьта,
И вӧйтчӧ сэтчӧ вежӧрӧй и лов,
И быттьӧ Ыджыд Мывкыд Визув менӧ босьтӧ,
И мыськӧ-тшӧктӧ — бурджыка пӧ ов!

Ӧд тэ жӧ Морт, и буретш да и тэнӧ
И панӧма и тэчӧм Ачыс Енмыс ног!
И сідзкӧ-й мутияссӧ пытшсьыд колӧ венны!
И чужин кӧ нин мортӧн, — пӧртны бурджык мог!

И быттьӧкӧ и лӧньыштӧ сэк лолӧй,
И быттьӧ-й бӧр на содӧ олӧмыслӧн дон,
Ӧд мӧдысьсӧ ме ог нин Тайӧ Мирас волы,
И сідзкӧ, колӧ корсьны аслым Бурджык Пом.