ОЛАН ЖӦ МОРТ

Чегласьысь олӧмас эг вермы лӧсьӧдны
Лючкиджык овмӧс ни шойччанін-горт,
Войяснас садьман да шогысла пӧсьӧдлӧ — 
Олан жӧ, олан жӧ Му вылас Морт!

Нэм чӧжным вийсим да керим век лючкиджык — 
Ёнмӧдны зілим век ыджыд страна,
Сэсся тай бара на мутияс зутшкисны — 
Потӧма вор дорӧ колимӧ нач.

Лёклун став ярлуннас лыйӧ и кералӧ — 
Мортыслӧн ӧтпырысь вошис став дон,
Ен нога мортыс лёк пинь пырыс эралӧ,
Быттьӧкӧ чеп йылысь мынӧма пон.