РЫТЪЯ ВӦРЫН

Рытъя вӧрын кӧкинь кӧкӧ,
Нора горӧн босьталӧ,
Кывза сійӧс, быттьӧ вӧтын
Став олӧмӧй воссьылӧ.

Гажа челядьдырӧй шонтӧ,
Сэсся-й войнаыс дойдӧ,
Шудыс эз мем шедлыв помтӧм — 
Ӧдйӧ шогъясӧн ойдлӧ.

Лолӧй вылын быттьӧ-й сӧдзӧм,
Быттьӧ-й норлун мыччасьӧ:
Эг на ассьым кодзув судзӧд,
Век на мыйкӧ виччыся.

Рытъя вӧрыс лӧньсӧ пыкӧ,
Биа кыаӧн ӧзйӧ,
Кӧнкӧ матын кӧкинь кӧкӧ — 
Бӧръя вояс мем вӧзйӧ.