КЫПЫД УДЖЗарни керйысь тшупам керка — Керйыс лыбӧ быттьӧ таг! — Гӧгрӧс тшупӧд черӧн перъям, Сӧмын резсьӧ сирӧд чаг, — Состӧ зэлыдджыка пудж — Кужысь киын пуӧ удж! Югыд шонді улын быдтам Чӧскыд вотӧс, пӧтӧс нянь, Медым миян лоис быдтор, Олӧм гӧгӧр лоис шань, — Сӧмын сямӧн вӧчӧм удж Чужтӧ быдмӧглысь бур вуж! Уна рӧмӧн дӧра вылӧ Йиджтам олӧмыслысь сер, Нэмъяс чӧж мед сэні кыліс Миян кадлӧн дор и шӧр, — Ныжӧн вежӧр кӧ эз чуж, Быдтор вӧчас кыпыд удж!
