ВӦРСА ЁЛЬКысянькӧ вӧр писянь Лун и вой визувтӧ Сӧдз ваа мусаник Ёль, Век быттьӧ исковтӧ Вильыша ме дінсянь, — Сӧмын тай некор оз коль! Гожӧмбыд уяла Ыркӧдысь визулас, Кыя сэсь кельчи и мык, Видз вывті визлала, Гӧрд гобъяс туяла, Вотӧсӧн чӧсмӧда гырк. Менӧ век чуксалӧ Ёляныс меліа, Сьылӧ и висьталӧ мойд: Кӧнкӧ пӧ выліас Дозмӧръяс шуксьӧны, Сэні пӧ найӧлӧн койт. Мыйӧн ме быдмышта, Ёль йывлань мӧдӧдча, — Тӧдмала ягъяс и нюр, Кытӧні рӧдмӧдчӧ Быд пӧлӧс пӧткаыс, Чеччалӧ тулан и ур. Кысянькӧ вӧр писянь Варова визувтӧ Сӧдз ваа мусаник Ёль, Век быттьӧ исковтӧ Вильыша ме дінсянь, — Мед жӧ нин некор эз коль!
