ШОНДІБыд асылӧ петӧ шонді, — Вайӧ гажа югыд лун, Ставсӧ гӧгӧр бура шонтӧ, — Шуда нюмӧн садьмӧ му. Шонді сидзӧ быдладорӧдз! Ставлы сійӧ мелі ань, Сылӧн нюмысь воссьӧ дзоридз, Кисьмӧ вотӧс, воӧ нянь. Сідзкӧ-й, менӧ быдтӧ шонді! — Сетӧ меным кынӧмпӧт, Пачын ломзьысь пескӧн шонтӧ, Медым висьӧмсӧ эг тӧд! Шонді вайӧ шоныд гожӧм, Медым босьтны сылысь гож, Медым быдми ме, кыдз пожӧм, Медым лои кӧр кодь чож! Мед жӧ югзьӧ-ломзьӧ шонді! Бара вайӧ югыд лун! Мед жӧ сылӧн помтӧм шоныд Дзоридзьясӧн ӧзтӧ му!
