ИЧӦТ ПАЧ ПЫТШКЫН ЛОМАЛӦ БИ

Пачын би пескӧд панӧма вен,
Быттьӧ синва войт чуркаын сир.
Гудӧк сьылӧ му керкаын мен,
Кыдзи нюм тэнад пузьӧдӧ вир.

Вӧр-ва шӧпкӧдіс тэ йылысь мойд,
Москва дорын, кӧн лым еджыд видз.
Кӧсъя — кылін мед сьӧлӧмлысь дой,
Сӧмын муслунӧс миянлысь видз.

Ӧні зэв ылын мусаӧй тэ,
Уна туй миян костын да вӧр.
Тэӧдз лэбыштны ог вермы ме,
Сӧмын кулӧмлысь кывлывла кӧр.

Сьыв вай, гудӧкӧй, турӧбсӧ вен,
Менсьым ылалӧм шудӧс тэ кор.
Кӧдзыд керкаын шоныд пыр мен,
Кытчӧдз муслуныд тэнад оз ор.