ЯРУК ИВАН

Ярук Иваныс тайӧ вӧлӧма миян Помысь, зэв ён морт. Пӧдругасӧ сійӧ видзлӧма Сернӧсысь — сэтчӧдз миянсянь сё верст сайӧ. Важ йӧз висьтавлӧмны: пуксяс пӧ лызьӧ, босьтас коса пурт да мӧдӧдчас. Кутшӧм ув мешайтчӧ, коса пуртнад керыштӧ. Рытнас каяс сё версттӧ, аскинас бӧр воас.

Коркӧ сійӧ узьмӧдчас вӧр керкаын. Вӧрсаясыд и локтасны сійӧс кыскыны. Кватитасны юрсиӧдыс. Сылы ки улад шедӧ столбйыс, кодӧс тувъялӧны ӧдзӧс водзас, мед кинад пыксьыны сы вылӧ. Мӧд киас чер шедас. Столбъяд петитчас да юрситӧ кыскӧны. Сӧтас чернас да кералігтырйи вӧтлас вӧрсаястӧ.