ЮАНЫБ

Олӧмны Юаныбас кыкӧн, чоя-вока. Вокыслӧн другыс вӧлӧма Пӧгӧстын, чойыслӧн — Чорувын, 120 верст сайын. Вокыс пыжӧн ветлӧма, вӧла туй ректӧмаӧсь полнӧй 100 верст. Вокыс кывтас Важгортӧ да сыныштас да пыж горувтіыс шонді тыдалӧ. Важгортсьыс мӧдас катчыны да некод оз лысьт матӧдчыны, валсӧ сэтшӧм ыджыдӧс вӧчӧ да.

Недыр сӧберитчасны да бӧрсяньыс и катӧны Юаныбӧдзыс морт 40 кымын. Коркӧ воасны юкыс керкаӧ. Чойыс пӧжасьӧ. «Кӧн, — шуасны, — вокыд?» Вокыд узяс турышын. Стен боксьыс босьтасны шӧвк тывсӧ да куим пӧв гаровтасны. Чойыд петӧ керкасьыс да турышсӧ гартӧмаӧсь 3 пӧв нин. Вокыд петны кутас да сэтчӧ и гартчас тывъяс. Чойыд повзяс да сэсь и пышйӧ Чорувас. Вокӧс кутісны, гартісны весь. Водзӧ юад и кыскасны. Зэв бур тывйыс вӧлӧма.

900 во сайын татшӧм мортыс вӧлӧм. Ӧтиыс пышйис Чорувӧ, мӧдсӧ кыскисны юӧ.

Лопыдінсьыс Яренскас сійӧ и туйсӧ карлӧма, нылыс.