* * *

Но и олӧм! Коми кывйысь яналам!
Мыйсяма ми коми войтыр сідзкӧ?!
Мый вӧсна нӧ асьнымӧс ми талялам?
Кутшӧм омӧль гудыр няйтас личкӧ?

Но и олӧм! Коми кывсӧ кедзовтам!
Дугӧдчам пӧ велӧдӧмысь! — Со ӧд!!!
Татшӧм шуӧмторйыс лёкног шензьӧдӧ...
Быттьӧ тэныд сьӧлыштӧны лолад!

Но и олӧм! Коми муын олысьяс,
Чужан кывлы ог жӧ сувтӧй паныд!
Ми ӧд абу прӧстӧ мунысь-волысьяс!
Ми ӧд чужим-быдмим, олам тані!

Но и олӧм! Мыйӧдз воам, водзӧ кӧ
Коми кывсӧ огӧ пыдди пуктӧй?
Бӧрыннас нӧ кыдзи сійӧс ловзьӧдан,
Дзикӧдз кор нин вужъяс бердсьыд чуктан?..