* * *

Юавтӧг-висьтавтӧг нуисны вӧр шӧрӧ —
Со тэныд ин.
Сьӧлӧмыд потласис, сьӧдӧдіс вирыд,
И гӧрдӧдіс син.
Пужъялӧм дзоридзьяс, таляссьӧм кодзувъяс —
Олӧмлӧн визь.
Некодлы эскыны, некодӧс корны,
Ӧд некод эз видз.
Ставнысӧ гӧгӧрво, быдӧнлы отсав
Да бӧръясӧ сет.
Водзӧссӧ синтӧммӧм-пельтӧммӧм ёртъясысь
Некод эз пет.
На бӧрын сэсся кӧть турун оз быдмы
Да шонді оз чуж.
Тэ сӧмын шогалан, тэнад эм могъяс.
Тэ на ног он куж.