* * *

Мед кӧть и шыбитӧмӧн лои,
Мед менӧ талялісны дойяс,
И узьлытӧмӧн вӧлі войыс,
Кор муніс бать, и бӧрдіс мам...
Эг ло ме нярӧн, эг ло урӧс,
И сьӧлӧм вылын эм на бурыс,
Кӧть вывті уна вундӧм-вурыс,
Ме водзӧ вылӧ содта сям.
Ме лоа коркӧ ыджыд мортӧн,
И сэки, гашкӧ, волас гортӧдз
И сійӧ, коді ӧні бордтӧм,
И сійӧ, коді шуліс «Кув!».
Ме эськӧ сэки сета тӧдны,
Мый сёр нин прӧща корны, бӧрдны
И кок улӧ мен шудсӧ лӧдны,
И сутшка мышкас зарни тув.