РАКАЯСМи ракаясӧн лэбалім, Став пышйӧдӧмсӧ дзеблалім, Но ӧти здукӧ шедалім — Бур лэч. И ӧта-мӧдлы отсавны Ми кӧсйим, да ӧд ортсыас Дзик некод тэа-меасӧ Оз лэдз. Мен чегъялісны бордъясӧс, А шусьӧны ӧд мортъясӧн! И миян водзын серавліс Пеж вом. Пӧсь синва сорӧн жалитін — Тэ ӧтнад менӧ радейтін. И тэкӧд орччӧн воис Меным пом. Ми ракаясӧн лэбалім: И пӧсявлім, и гегдавлім, И бӧрдліс шогӧн тырӧм Лэбач лов. Сьӧд ракаясӧн лэбалім И сӧмын овны велалім, Но миян олӧм некодлы Оз ков.
