* * *

Дойдалі ме тэнӧ, ёна вачкалі,
Чужъялі да вӧтлі кӧдзыд ывлаас.
Бӧрді сэсся кыз синваӧн, ырзӧмӧн,
Мыйла менӧ ку пиысь тэ петкӧдан?
Ядӧвитӧй змейӧн дойыс пукалӧ
Ме пытшкын. Быд курччӧмӧн и йӧймӧдӧ.
Важӧн ассьым олӧмӧс ме пузувті,
Сійӧ сідз нин гуга вӧлі, чужтӧдз на.
Водзӧ лоӧ мый? А коді висьталас?
Ставным ӧти лунӧн ӧні олам ми,
Ӧта-мӧдӧс вачкалам да виалам,
Сэсся аскисӧ нин панам «Чолӧмӧн».
Лоис бара сэтшӧм сьӧкыд лолавны...