ӦТУВЪЯ ОВМӦС


Кассян дядьӧ бӧрдан выйын;
Оз тӧд, кыдзи кӧдзны му:
Вӧлыс эськӧ сылӧн выйим,
Абу гӧр ни кӧдзан сю.

Емель шогсьӧ, ветлӧ-шӧйтӧ,
Оз тӧд, кыдзи кӧдзны йӧр:
Абу сылӧн вӧв ни кӧйдыс,
Кӧть и эм важиник гӧр.

Васьлӧн ӧшйӧма со юрыс,
Ветлӧдлӧ зэв жугыль, чӧв:
Кӧйдыс эськӧ сылӧн сюрӧ,
Абу гӧр ни абу вӧв.

Васькӧд паныдасис Емель,
Кассян сувтіс мунігмоз,
Сэсся кыськӧ воис Семӧ,
Пансис сёрни найӧ кост.

— Ойя жӧ нин миян олӧм!
— Гӧгӧр судзсьытӧм да шог!
— Ёртъяс, ӧтувтчыны колӧ,
Шогтӧ он вен мукӧд ног!

Сэк жӧ шуисны, мый ковмас
Котыртны ӧтувъя удж,
Лӧсьӧдны ӧтувъя овмӧс.
Весь оз вош сэк миян туж!

Тайӧ кадсянь лои налӧн
Гӧр и вӧв, и кӧдзан сю.
И вот ӧтув найӧ талун
Кодзӧны ассьыныс му.

Тайӧ вӧлі важӧн коркӧ,
Сэсянь коли уна во...
Ӧні сиктас ыджыд колхоз.
Мусӧ трактор гӧрӧ со.

Йӧзыс жуӧ, уджыс пуӧ.
Тулыс юргӧ. Енэж лӧз...
Месянь би пӧсь видзаюӧр,
Ӧтув овмӧс тэчысь йӧз!