ГӦГРӦС КЫДЗ ПУГӧгрӧс кыдз пу Мир туй бердын. Айӧй, сюй бӧр Коскад чертӧ! Юяс дорысь Кустъяс пытшкысь, Вокӧй, турун Тэ эн ытшкы! Лӧз дзоридзьяс Сюяс пӧвстысь Эн тэ нетшкы, Чойӧй, ӧвсьы! Сьӧд ёль дзольгӧ Горув расын. Эньӧй, эн тэ Пежав васӧ! Гӧгрӧс кыдзьяс Мир туй сайын — Сійӧ менам Еджыд яйӧй. Лӧз дзоридзьяс Сюяс пиын — Лӧз синъясӧй Менам сійӧ. Видзьяс вылын Небыд турун — Шӧвк юрсиӧй Менам юрын. Дзольгысь ёльыс Горув расын — Уна бӧрдӧм Синваясӧй.
