ВӦТ...

Мича вӧт!
Медся мусатор тэ миян.
Вӧтнад аддзылан тшӧтш сійӧс,
Кодӧс вемӧсӧн он аддзыв ни он тӧд.
Вӧтӧн гӧльыд шог оз пык:
Ветлӧ югыд гажа керка пытшкын,
Сьӧкыд уджла кочӧгыс оз бытшкы
И оз виньгырт тшыг.
Вӧтнад корольыд оз дур:
Шыӧн-пуртӧн вӧрӧгӧс оз такӧд,
Некодӧс оз судит ни оз джагӧд,
Узьӧ сылӧн сэки юр.
Вӧтӧн муса нывлы том зон нора сьылӧ,
И ныв морӧс вылын би вылын моз сылӧ...
А ме вӧтӧн
Жулля сімӧм чеп, орйӧдла гез:
Аслам муӧйлы ме перъя мез.