* * *
Абу гажа
Арся асыв.
Зэрыс кисьтӧ кӧшысь моз.
Пемыд, шуштӧм
Керка пытшкын,
Абу кыпыд дзескыд поз.
Пукалам ми
Ӧшинь дорын
Кыкӧн: ме да гажтӧмлун.
Мустӧм гӧстя!
Пӧръяла час:
Мӧд ног сэсся тэ он мун!
Гусьӧникӧн
Керка пытшкысь
Ыста мӧвпӧс корсьны шуд.
Шлывгы, мӧвпӧй,
Лэбзьы ылӧ,
Рытывланьӧ туйтӧ кут!
Лэбзьы, мӧвпӧй,
Ай-мам дінӧ,
Сэтчӧ, кытӧн муса горт.
Пырав, волы,
Кӧні кӧзюк,
Кытӧн олӧ муса ёрт!
Лэбӧд татчӧ
Долыд юӧр
Рытнас, шонді лэччан дор, —
Кыдзи мазі
Вайӧ гортас
Дзоридз вылысь чӧскыдтор.
Комиӧн гижис
Илля Вась