ВОЙСЯ СЬЫЛАНКЫВ
Узян, муса нылӧй,
Ангел мичлунлӧн!
Лиралысь шы кылан?
Вольпась тэнад — гӧн.
Ӧтвыв лираыскӧд
Кодзув енэжсянь
Би кодь муслун ыстӧ.
Узь тэ, дона ань.
Киссьӧ сьӧлӧм пытшкӧ
Югыд кыпыдлун,
Муслун биӧн бытшкӧ.
Узь жӧ! Локтӧ ун?
Али тэныд гажтӧм?
Ноксян вой и лун.
Унмовсин нин, гашкӧ.
Али оз лок ун?
Узян нин тай, другӧ.
Унмовсис нин ныв.
Ун тэнсьыд ог жугӧд,
Сэсся ог нин сьыв.
Комиӧн гижис
Илля Вась