ШЕНЗЬӦДАНА ВОЙ


Эновта ме тӧждысигтыр
Ассьым лӧнь да муса грезд.
Ог ме шогсьы и ог чиктыв,
Шемӧс вӧрысь корся мезд.

Тӧвлӧн пӧльтӧм эз кыв, эз нин,
Пуяс сайын тӧлысь — рам.
Кыдз пу корнас пондіс резны
Турун вылӧ фимиам.

Кутшӧм горша нимкодьпырысь
Войлысь шнипырта ме мич!
Сьӧлӧм шӧрӧдз сійӧ пырӧ,
Вайӧ морӧсӧйлы лич.

Мичыс нӧшта содӧ уна,
Дзирыд лоӧ шемӧс вой,
Кодыр дзик-дзик орччӧн муніг
Жмитан кӧзюкыдлысь сой.