ПЫШКАЙ


Пышкай миян керка лӧскӧ
Вӧчӧ пияныслы поз:
Коркӧ кокас идзас кыскӧ,
Коркӧ вайӧ вомас гӧн.

Пышкай кӧсйӧ керка вӧчны!
Оз и мудзлы. Уджыс тыр.
Лунтыр ноксьӧмысь оз дугдыв,
Ноксигмозыс сьылӧ пыр.

Сёрӧн, шонді лэччӧм бӧрын,
Коркӧ вӧлись ланьтлас кай,
Луннас, коньӧр, ёна мудзис —
Лӧня олӧ тувсов вой.

Мӧд лун бара, мыйӧн шонді
Муртса петас асывводз,
Пышкай бара сьывны пондас,
Чильксӧ-йӧктӧ: «Чилик-чок».

Долыд сьӧлӧм вылас сылӧн:
Ас удж помысь кынӧм пӧт.
Сійӧн гажаа и сьылӧ,
Кӧть и сьӧкыд сылӧн удж.