ЗЕМЛЯНКАЫН

Нӧйтчӧ кӧрт пачын дзескӧдӧм би,
Сирыс пес вылас синва кодь сӧдз.
Гудӧк шы улӧ казьтывлам ми
Чӧдлач синъяс да нюмъя вом рӧч.

Шӧпкис тэ йылысь рассялӧм эрд,
Москва гӧгӧрса вольсасьӧм чӧв,
Кӧсъя, мед эськӧ кылін и тэ
Нормӧм гӧлӧсӧс, кӧн кӧть эн вӧв.

Ӧні ме дорысь ылын тэ зэв,
Лымъя саваныс лача оз коль.
Тэӧдз ӧні он лэб ни он кев,
Смертьӧдз воськолыс куим-ӧ-нёль.

Сьыв жӧ, гудӧкӧй, бушковсӧ вен,
Чуксав ылалӧм шудсӧ, эн пов!
Кын землянкаын онялӧ мен
Тэнад муслунӧн ымралысь лов.