КАТЮША


Дзордзалӧны яблоня и груша,
Юяс весьтын шлывгӧ-кывтӧ ру,
Кыркӧтш дорӧ волывлӧ Катюша,
Крут кыр вывсянь видзӧдлыны ю.

Петавлывлӧ, гажа сьылан сьывлӧ,
Кутш кодь повтӧм зонсӧ сьылӧдӧ,
Кодсянь уна мелі кывсӧ кывліс,
Кодсянь гижӧд дзебасын видзӧ.

Ой тэ, сьылан, нывлӧн гора сьылан,
Юсьӧн зарни шонді бӧрся кывт,
Зонлы ылысса гранича вылын
Муса нывсянь козьнав шоныд кыв.

Мед оз вунӧд, коді сылы муса,
Медым нывлысь кывлас сьылан гор.
Медым видзас ассьыс чужан мусӧ,
А Катюша видзас донатор.

Дзоридзалӧ яблоня и груша,
Юяс весьтын шлывгӧ-кывтӧ ру,
Кыркӧтш дорӧ волывліс Катюша,
Крут кыр вывсянь видзӧдлыны ю.