ПОМТӦМ ТУЙЯС


Помтӧм туйяс...
Ру да бус-тшын,
Кӧдзыд, йирмӧг, улис
Ызӧна степын.
Он тӧд водзвыв
Ассьыд туйпом,
Гашкӧ, бордтӧ чеган
Степъяс шӧрын, тон.

Путшкӧ буссӧ сапӧг гӧлень —
Степ пӧлӧн,
Му пӧлӧн,
Ставыс ыргӧ биӧн-тӧлӧн,
Да пуля дзижгӧ.

Помтӧм туйяс...
Ру да бус-тшын,
Кӧдзыд, йирмӧг, улис
Ызӧна степын.
Лыйӧм шпатькас,
Кырныш лэбзяс...
Орчча ёртыд гатшӧн
Кулӧм жуйгӧдчас.

Помтӧм туйыс водзӧ разьсьӧ,
Быглясьӧ,
Веглясьӧ,
Муыс гӧгӧрбок тшынасьӧ —
Дзик тӧдтӧм, йӧз му.

Помтӧм туйяс...
Ру да бус-тшын,
Кӧдзыд, йирмӧг, улис
Ызӧна степын.
Пожӧм ягын
Шонді чеччӧ,
Мамыс кильчӧ вылын
Писӧ виччысьӧ.

Помтӧм-дортӧм туйяс пӧлӧн,
Степ пӧлӧн,
Эрд пӧлӧн,
Миян бӧрсянь видзӧдӧны
Мусаник синъяс.

Помтӧм туйяс...
Ру да бус-тшын,
Кӧдзыд, йирмӧг, улис
Ызӧна степын.
Лым кӧть бушков
Казьтыштлам ми...
Тайӧ туйяс некор
Оз позь вунӧдны.