САД ЙӦРЫН ПӦ НЫВ ГУЛЯЙТӦ


Сад йӧрын пӧ ныв гуляйтӧ,
Сэтчӧ зон волывлӧ.
— Зонмӧй, зонмӧй, молодечӧй,
Шоча тай волывлан.

— Зонмӧй, зонмӧй, молодечӧй,
Шоча тай волывлан.
— Рад пӧ эськӧ ме вола да
Нинӧмӧн козьнавны.

Туй кӧ воссяс, карӧ ветла,
Дона козин вая.
Дона козин, кык козин да,
Кумач да китайка.

— Китайкасӧ ог новлы да,
Кумачсӧ ог пасьтав.
Кыдз любитан, сідз любит да,
Босьт мен зарни чунькытш.

— Зарни чунькытш, кык чунькытш да,
Мед ещӧ чунь серти,
Черевички да башмачки,
Мед ещӧ кок серти.