* * *


Олі-вылі ӧтнам,
Рытӧ бурӧ воис,
Ывла кӧ петі,
Кӧрттор сюри,
Чертор дори,
Путор пӧрӧді,
Ас вылам кӧ пӧри,
Куим сутки куйлі.
Ӧтарӧ кӧ видзӧдлі — 
Ньӧла-вуджъя тыдалӧ,
Мӧдарӧ кӧ видзӧдлі — 
Виж калата тыдалӧ,
Коймӧдарӧ видзӧдлі — 
Лӧз калата тыдалӧ,
Нёльӧдарӧ видзӧдлі — 
Пирӧг вичко тыдалӧ.
Сэтчӧ кӧ муні — 
Шаньга поска,
Сӧчӧн джоджа,
Блин йирта,
Кӧлач томана,
Преник ӧдзӧса,
Кӧлачӧ кӧ кутчыси — 
Томаныс воссис.
Прениксӧ кӧ курччышті — 
Ӧдзӧсыс воссис.
Пытшкас пыри — 
Тэсь поп сулалӧ,
Вый ёкмыль юра,
Ма ёкмыль кымӧса,
Сьӧд зырыма,
Ляз тошка,
Кос нянь шӧрӧм беддя.