ТУВЧЧАВ ЗБОЯЮгыд шонді кисьтӧ зарни, Кумач мореын став май. Кыпыд песняяслӧн сёрни Вуджӧ миянлысь том край. Тувччав збоя, зумыд стройын, Вӧльнӧй мувывса народ! Миян шуд оз пемды войӧн, Некор сійӧс враг оз босьт! Помтӧм зільлунӧн век пуӧ Миян сӧнъясын пӧсь вир. Ми ас сьӧлӧмъясын нуам Уджын подвиг, мирлы Мир. Код сэн миян водзын жӧдзӧ, Ассьыс букыштӧма син? Сэн проклятӧй кӧйдыс кӧдзӧ Выль войналысь Уолл-стрит. Гӧгӧр восьлалӧ веж тулыс, Койӧ му пасьтаыс свет. Сійӧс бӧрыньтны оз вермы Дядя Сам ни сылӧн шеф! Тувччав збоя, зумыд стройын, Вӧльнӧй мувывса народ! Миян шуд оз пемды войӧн, Некор сійӧс враг оз босьт! 1949 во.
