А. С. ПУШКИНЛЫ


Поэзиялӧн русскӧй гений,
Свобода славитысь титан,
Ме ассьым копыр вая тэныд,
И тэнӧ славита ме тан.

Свободалысь кор зэвтіс голя
Самодержавиелӧн гнёт,
Тэ сьылін падшӧйяслысь доля
И тышӧ чуксалін народ.

И тэнад вдохновеннӧй лира
Эз усь мед ловнас русскӧй морт,
Руд свинеч кымӧръяса мирас
Пыр сьӧлӧм ӧзйӧдіс, кыдз ёрт.

Пыр ӧзйӧдіс и корис водзӧ,
Сы нэмӧ, кӧні мезд и шуд,
И кӧні шонді зарни кӧдзӧ
И ставнас дзоридзалӧ му.

Эз весьшӧрӧ ло тэнад сьылӧм,
И кыа светӧ эскӧмлун.
Сьӧд войыс колис, вешйис ылӧ, —
Россия пыркнитіс кыз ун.

И микӧд — музаяс и разум,
И югыд шонділӧн яр свет.
И микӧд восьлалан тэ ачыд —
Дзик некор кувлытӧм поэт!

1949 во.