ЭЖВА БЕРЕГ ДОРТІ МУНА


Эжва берег дорті муна,
Ылӧ разалӧма ру.
Гырысь юяс эмӧсь уна,
Но медмуса тайӧ ю.

Ставнас: олӧмӧн и шудӧн
Сыкӧд йитчӧмаӧсь ми.
Роч вок миянлы сэт мыччис
Вечнӧй дружбалысь пӧсь ки.

Сійӧс ёнмӧдісны водзӧ
Мудрӧй партия да вождь.
Ӧні мырддьыны сӧдз асыв
Некор миянлысь оз позь.

Сійӧ ворсӧ югыд ваас,
Вӧчӧ мойд сямаӧн ю.
И мен сьыланкывйӧн воссьӧ
Паськыд, вӧльнӧй Коми му!

1951 во.