КОЛХОЗНӦЙ ПРАЗДНИЧНӦЙ


Идралім и ставсӧ вартім
Быдтӧм озыр урожай.
И колхознӧй ыджыд праздник
Пасйӧ миян вӧльнӧй край.

Трудоденьяс — вӧв оз кыскы,
Ставыс пызан вывтыр эм.
Вӧльнӧй уджлӧн киыс лышкыд,
Сійӧ долыдмӧдӧ нэм.

Тайӧ помтӧм ыджыд шудсӧ,
Кодӧс сиктын аддзим ми,
Тайӧ кыпыд, вӧльнӧй уджсӧ
Сетіс партиялӧн ки.

Сійӧ ӧзйӧдіс выль шонді
Миян муяс весьтӧ тан
И ас тӧжднас сьӧлӧм шонтіс,
Дзоридзӧдз сикт и стан.

И ми партиялысь нимсӧ
Лэптам вылӧ, кыдзи стяг.
Сійӧ вермӧмӧ туй индӧ,
Уджын зумыдмӧдӧ шаг!

1951 во.