ЕНЭЖ КОДЬ ЛӦЗ СИНЪЯСАЕджыд тугйӧн паськӧдӧ Льӧм пу ассьыс сыв. Эзысь рытӧ гуляйтны Петіс мича ныв. Енэж кодь лӧз синъяса, Стройнӧй, мелі, збой. Гудӧкасьысь сы вылӧ Видзӧдӧ кузь вой! Нывлӧн югыд славаыс Кытшовтӧ став му: Тӧвнас муртса ӧтнасӧн Керйӧн эз тырт ю. И колхознӧй удж вылын — Абу ныв, а би. Любӧй уджӧ сибалӧ Нывлӧн варов ки. Кругӧ петас йӧктыны, Сідз оз йӧкты мӧд. Донсӧ тайӧ нывкалы Некоді оз тӧд. Енэж кодь лӧз синъяса Стройнӧй, мелі, збой. Гудӧкасьысь сы вылӧ Видзӧдӧ кузь вой! 1951 во.
