ЭЗЫСЬ ВОЙЯСА КРАЙЛуныс шоныд да лӧнь, Эжва юным — шӧвк вӧнь. Нӧрыс йылӧ ме пета, Меным нюмъялӧ сэтӧн Ывла эрд и веж вӧр, Чужан му — сьӧлӧмшӧр. Эзысь войяса край, Югыд шондіа му! Мичнад ломав, кыдз май, И век томлунӧн пу! Тэ мед некор, дзик некор Эн ло дзор да пӧрысь, А вӧлін мед том, Кыдзи шуд! Ылӧ видзӧда дыр, Сьӧлӧм — радлунӧн тыр: Гӧгӧр дзордзалӧ олӧм, Сійӧ кыпыд и долыд. Менам пармаӧй том, — Абу мичыслы пом. Мычча ёртлы ме ки: — Ӧзйӧ морӧсын би! Татшӧм шондіа лунас Тэкӧд сэтчӧ ми мунам, Кӧні юргӧ быд сутш Мусӧ выльмӧдан удж. 1962 — 1964 вояс.
