ВЫЛЬ ПОРТЫНТэ видзӧд, выль портын кыдз ӧзйӧны бияс, Тэ видзӧд лӧз гыа Печоралысь сыв, — Оз войвывса енэжным пӧртмась сідз миян, А шедӧдӧм шудным сюрс кодзувлысь чӧвтӧма тыв. И чуксалӧ миянӧс сійӧ пыр водзӧ, Сы крайӧ, кӧн лэбалӧ миян мечта, Ӧд кӧсйӧмным некор оз йӧршитчы соддзӧ, А сывйыштчӧ ылӧ, кыдз помасьтӧм морелӧн ва. Ми видзӧдам водзӧ и штормъяссӧ венам, И туй вылын некодыр шоглун оз су: Ӧд шондіӧн миянлы дзирдалӧ енэж, И выннымӧс содтӧ веж садъяса ас чужан му. Тэ видзӧд, выль портын кыдз ӧзйӧны бияс, Тэ видзӧд лӧз гыа Печоралысь сыв, — Оз войвывса енэжным пӧртмась сідз миян, А шедӧдӧм шудным сюрс кодзувлысь чӧвтӧма тыв. 1955 во
