ДЗИК СТАВЫС ВИЗУВТӦ


Дзик ставыс визувтӧ да вежсьӧ — нем оз сулав
И весиг лӧньӧм ты, кӧн ваыс медся дыш.
Код пӧрысь, сійӧ олыштас му вылын, сэсся кулӧ,
А томыс кыпӧдчӧ, кыдз зу моз быдмысь пыш.

Да, томыс кыпӧдчӧ, а пӧрысьмӧмыс кулӧ,
Но ме ог шу, мый сійӧ быдмӧг оз нин сет.
Ӧд выльыс лэдзӧ вужсӧ муас, а оз вылӧ,
Да важнас пӧткӧдчӧ, мед сӧвмис уна цвет.

И найӧ сӧвмӧны. Ме нимкодяся наӧн,
Мый сэтшӧм лӧсьыдӧсь, мый наын — ӧзъян би,
Код ру пытшкӧ оз вош, оз пӧд и джуджыд ваӧ
И шонтӧ кӧдзыд эрдъяс, сывдӧ вечнӧй йи.

Ме выляс видзӧда, сэк мӧвпала и шуа:
Кӧть кула — дзик ог кув, — выль дзоридзьясын туа.

1968