КИЕВЫН ШЕВЧЕНКОЛЫ ПАМЯТНИК


Почётнӧй караулын туяяс. Покой
Тараслысь найӧ видзӧны пыр чӧла.
Акацияяс ӧвтчӧны, кор тӧла.
Зэв меліпырысь лайкйӧдлӧмӧн сой.

Тыр ыджыд думӧн ӧтнас сулалӧ поэт,
Мыш саяс кутіг ассьыс веськыд кисӧ.
Мӧд кинас кывзӧ сьӧлӧмыслысь бисӧ,
И кобзарь вылӧ видзӧдӧ став свет.

Мый йылысь видзӧ дум? Поэтлӧн мӧвп эз быр, —
Му шарыс пыр на зыкӧн-пиньӧн тыр,
Шпицрутэнъяс сэсь эз на дзикӧдз бырны.

Со Африкаысь негр. Сэсь весьшӧрӧ эз лок.
Вьетнамец сыкӧд ӧтвыв юкӧ сэні шог.
Ӧд колӧ шуны кыв, мед му выв лёксӧ зырны!

1968