ГӦЛЬЛӦН СЬЫЛАНКЫВМе кӧть гӧль, ичӧт морт, Некодысь ог повзьы! Кор ме чукӧрта нянь, Сэки ме и ловзи! Деньга абу, кӧть эм, Ас понда ме ола. Озыр йӧзъясысь ме Омӧлика пола! Озыр мортъяслӧн горш Деньгаӧн оз тырлы. Гӧльлы деньга оз ков, Няньыс мед оз бырлы! Тулыс воигӧн ме Муяс гӧрны муна, Коскӧй висьӧ, кӧть оз, Сэки уджъяс уна! Кӧдза нянь, вунда нянь, Ас семьяӧс верда. Сьӧкыд олӧмӧ ме Омӧлика бӧрда! Гӧльлы шойччӧг оз ло, Веськыда ме шуа. Кор мем лоас зэв шог, Сэки вина юа. Вина юӧмысь пӧ бур, Шуӧны, оз лолы. Но ме кодъюрӧн дур Некор на эг вӧвлы. 1913 во.
