* * *

Виччысьӧмысь сьӧкыд
Нинӧм абу,
Важӧн йӧзыс
Шулӧмаӧсь тадзи.
Виччысигӧн дзикӧдз
Сувтлӧ кадыс,
Весиг сутшыс
Кыссьӧ вывті надзӧн.

Виччысян тэ лэбны
Чужан гортад,
Майшасян,
А сынӧд ру оз разав.
Виччысян тэ
Медматысса ёртӧс,
Волас да,
Тэ кадсӧ он и казяв.

Виччысян кор ар,
Кор тӧв, кор тулыс,
Гожӧм —
Медся шоныд кадсӧ волысь.
Волас сійӧ,
Тӧдлытӧг жӧ мунас,
Думайтан да,
Быттьӧ эз и волы.

Виччысян век
Водзысь мыйкӧ бурӧс,
Оз тай котӧрт паныд,
Абу чольӧб.
Кад жӧ ассьыс уджсӧ
Тӧдӧ, мунӧ.
Виччысьӧмӧ
Олӧмыс и кольӧ.