ГОЖСЯ КАД


Майбыр гожӧмӧй – зэв пӧсь лунъясӧй!
Майбыр гожӧмӧй – страдна кад!
Сӧстӧм гожӧмӧй, коркӧ вунлан мӧй, 
Ме ӧд быдӧн моз тэныд рад.
Асъя кыакӧд ставӧн чеччамӧ, 
Эжва ю дорӧ бара лэччамӧ.
Шонді дзебсьытӧдз сиктыд куш:
Мӧдлапӧлын сэк пуӧ удж.
Зільӧсь вилаяс, коса-куранъяс!
Любӧ сьӧлӧмлы татшӧмтор.
Тӧлыс кышӧдӧ ытшкӧм турунсӧ, 
Виддзыс шыльквидзӧ пом ни дор.
Лунтыр енэжын шонді уялӧ,
Югӧр козьналӧ петӧм мысьт.
Татшӧм пӧраӧ коді уджалӧ, 
Норлун сы дінӧ, дерт, оз письт.
Мича, джуджыд зэв артмас зорӧдным,
Пластсӧ лэптыны он нин судз.
Гортӧ локтігӧн сьывны горӧдам, 
Венас сьылӧмыс лунся мудз.