БЫДӦНЛӦН АСЛАС


Быдӧнлӧн аслас олӧм и вылӧм,
Быдӧнлӧн аслас бӧрдӧм и сьылӧм.
Быдӧнлӧн аслас выльыс и важыс, 
Быдӧнлӧн аслас шудыс и гажыс.
Быдӧнлӧн аслас сиктыс и гортыс, 
Быдӧнлӧн аслас медся бур ёртыс.
Быдӧнлӧн аслас морттуйыс, сямыс,
Быдӧнлӧн аслас батьыс и мамыс.
Быдӧнлӧн аслас чойыс и вокыс,
Быдӧнлӧн аслас мырсьӧмыс, нокыс.
Быдӧнлӧн аслас бурыс и шаньыс,
Быдӧнлӧн аслас понйыс и каньыс.
Быдӧнлӧн аслас ваыс и вӧрыс,
Быдӧнлӧн аслас кыйдӧсыс, кӧрыс.
Быдӧнлӧн аслас синмыс и пельыс,
Быдӧнлӧн аслас пӧлыс и челядь.
Быдӧнлӧн аслас вевтыс и подйыс,
Быдӧнлӧн аслас воськолыс, шодйыс.
Быдӧнлӧн аслас ямлӧм и тулӧм,
Быдӧнлӧн аслас чужӧм и кулӧм.