КИССЬӦМ СИКӦТШ


И кор орис да разаліс сикӧтш,
Тюрис-исковтіс моль бӧрся моль,
Ставыс пасьмуні-жугалі дзикӧдз...
Менам шудысь сэк нинӧм эз коль.

А ӧд югъяліс-дзирдаліс коркӧ,
Быд моль сиис шуд, помтӧм да кузь.
Кутшӧм регыдӧн олӧмтӧ торкӧ
Киссьӧм сикӧтшлӧн медбӧръя тусь!

А ӧд кутшӧм нин вӧлі со матын —
Сӧмын нюжӧдлы китӧ да босьт.
Но эз артмы тай — шудъяӧй татӧн
Меным ӧдзӧссӧ ассьыс эз восьт.