МИ ТЭКӦД — КЫК Ю


Ми тэкӧд быттьӧкӧ кык ю,
И ӧттшӧтш ӧткодьӧсь и абу.
Ӧд ӧти чужтіс-быдтіс му,
Ми тэкӧд — ӧти чорыд кабыр.

Тэ увган, гым-чардыслӧн пи —
Ме лӧня нуа ассьым ваӧс.
Тэ скӧра жуглан пӧдтысь йи,
А ме со ньӧжйӧ лювга ма моз.

Тэ — лӧньны сяммывлытӧм шы,
Ме моза гусьӧнсӧ эн кужлы.
И скӧра шыбласьысь ён гы —
Тэ мыйта бертлін вӧр-пу вужтӧ!

Мем аслам туйӧй вӧвлі бур,
А тэд со аслад туйыд дзескыд.
И ӧти саридзыс эз сюр,
Кӧть ӧтилаӧ воны эским.